គ្រូវិទ្យាល័យមេសាង

I-ផ្នែកឯកសារនិងសមិទ្ធិផលនានានៃវិទ្យាល័យមេសាង

១-ទីតាំងភូមិសាស្ត្រ ៖ ស្ថិតនៅក្នុងភូមិជីផុច(ខាងជើងទល់មុខវត្តជីផុច)ឃុំជីផុច ស្រុកមេសាង ខេត្តព្រៃវែង ប្រទេសកម្ពុជា ។

វិទ្យាល័យមេសាងត្រូវបានក្រសួងអប់រំកំណត់ដាក់កូដដើម្បីងាយស្រួលបំពេញការងារ។ដូច្នេះកូដសាលាត្រូវបានកំណត់គឺ 14050305901។

វិទ្យាល័យនេះបានក៍កើតឡើងតំាំងពីឆ្នាំ១៩៩២។ ការបង្កើតសាលារៀនដំបូងនៅក្នុងឆ្នាំ១៩៩២ មានសិស្សចំនួន៩៨៧នាក់ គ្រូបង្រៀនចំនួន២៩នាក់ រួមជាមួយនាយកសាលា។

ក្នុងឆ្នាំសិក្សា ១៩៩២-១៩៩៣ បានប្តូរឈ្មោះ ពីអនុវិទ្យាល័យពោធិកន្លែង ទៅជាវិទ្យាល័យមេសាងរហូតមកដល់សព្វថ្ងៃនេះ ដែលមានសេចក្តីសម្រេចលេខ២៥០អរ.សសរ ចុះថ្ងៃទី២១ខែធ្នូ ឆ្នាំ១៩៩២ អនុរដ្ឋលេខាធិការ ម៉ុម ជីមហ៊ុយ។

ទីតាំងចាស់នៅសាលាស្រុកមេសាង បន្ទាប់មកប្តូរមកទីតាំងថ្មីនៅមុខវត្តជីផុច។នៅកន្លែងថ្មីនេះគឺជាដីទួលអ្នកតា និង
ក៍ជាកន្លែងដែលប៉ុលពត សម្លាប់មនុស្សផងដែរ ប៉ុន្តែដោយរដ្ឋអំណាច និងលោក ប៊ូ សាមុន ជានាយកសាលាបានប្រឹងប្រែង
កៀរគរសហគមន៍ ជួយសាងសង់បានអគារឈើចំនួន៣ខ្នង ស្មើ១២បន្ទប់ និងសម្តេច ហ៊ុន សែន ពេលចុះបេសកម្ម ក្នុងភូមិ
សាស្ត្រស្រុកមេសាងបានឧបត្ថម្ភនូវ អគារថ្មប្រក់ក្បឿង២ខ្នងស្មើ៨បន្ទប់ ដោយធ្វើការសម្ភោធដាក់ឲ្យប្រើប្រាសក្រោមអធិបតីភាព សម្តេចធម្មពោធិសា ជា ស៊ីម នាឆ្នាំ១៩៨៩ ។

វិទ្យាល័មេសាងមានចំនួនគ្រូសរុប 157 នាក់ក្នុងនោះស្រីចំនួន45 នាក់(គិតត្រឹមឆ្នាំ2020)។រីឯចំនួនសិស្សសរុប  2867 ស្រី 1125 (គិតត្រឹមឆ្នាំ 2020)។ចំនួនអគារសិក្សាទាំងអស់មាន 8ខ្នង។ ទីចាត់ការ1ខ្នងសាងសង់ដាច់តែឯង។នៅប៉ែកខាងកើតមានអគារ១ខ្នងបានបែងចែកជាបន្ទប់សម្រាប់តម្រូវការសិក្សាផ្សេងៗដូចជាបណ្ណាល័យ,បន្ទប់រៀនកុំព្យូទ័រ,រោងជាង,បន្ទប់រៀនកាត់ដេរ។

បង្គន់អនាម័យត្រូវបានសាងសង់ដាក់ឱ្យមានគ្រប់អគារ និងសង់ក្រៅអគារចំនួន4កន្លែងទៀត។

មានអាងស្តុកទឹក1មានធុងចម្រោះទឹកស្អាតសម្រាប់ចែកចាយទឹកទៅគ្រប់កន្លែងនៅក្នុងសាលារៀន។ថ្មីៗនេះ សាលាបានកសាងសម្ភារ:លាងដៃសម្រាប់លាងដៃសម្អាតដែលបានដាក់សាប៊ូនិងអាល់កុលសម្លាប់មេរោគជាប្រចាំផងដែរ។តើយើងត្រូវលាងដៃនៅពេលណា?យើងបានអប់រំពន្យល់ដល់សិស្សានុសិស្ស និងគ្រូបង្រៀនថា ការលាងដៃសម្អាតជាប្រចាំគឺមានសារ:សំខាន់ណាស់សម្រាប់ការពារពីជម្ងឺឆ្លងនានា ពិសេស covid 19 ដែលរាតត្បាតពេញពិភពលោក។ការលាងដៃត្រូវអនុវត្តនៅពេលមុនចូលបន្ទប់រៀន,ចេញពីថ្នាក់រៀន,ក្រោយពីចូលបន្ទប់ទឹក,ក្រោយបន្ទោរបង់,មុនប៉ះពាល់ចំណីអហារ,,,។ល។ពិសេសការអនុវត្តន៍ក្បួនអនាម័យតាមការណែនាំរបស់ក្រសួងសុខាភិបាល។

សម្រាប់នាទីកីឡា យើងមានទីលានបាល់ទះ ទីលានបាល់ទាត់ ទីលានបោះប៊ូល ដែលជាមណ្ឌលសម្រាប់ប្រកួតកីឡាថ្នាក់ស្រុកតែងតែធ្វើនៅទីនេះរាល់ៗឆ្នាំ។

នៅខាងកើតអគារទីចាត់ការ យើងមានតាំងរូបចម្លាក់ពាក់ព័ន្ធកវីនិងអ្នកនិពន្ធខ្មែរដែលយើងចាត់ទុកជាអ្នកប្រាជ្ញអក្សរសាស្ត្រខ្មែរដូចជារូបចម្លាក់សម្តេចព្រះសង្ឃរាជជួនណាត ជោតញ្ញាណោរូបចម្លាក់ព្រះភិរម្យ អ៊ូ ហៅង៉ុយ ឬហៅថា ក្រមង៉ុយ រូបចម្លាក់ព្រះរាជាព្រះបាទជ័យវរ្ម័នទី7ជាព្រះមហាក្សត្រមានព្រះកិត្តិនាមល្បីល្បាញខាងអក្សរសាស្ត្រនាសម័យអង្គរ។

នៅខាងមុខទីចាត់ការ តាមផ្លូវចូលពីក្លោងទ្វារខាងមុខទល់នឹងមុខដងទង់ជាតិ យើងបានកសាងរូបចម្លាក់សត្វទាក់ទងឆ្នាំកំណើតមនុស្សខ្មែរចំនួន 12 អមសងខាងផ្លូវគឺឆ្នាំជូត(កណ្តុរ)ជាឆ្នាំទី1,ឆ្នាំឆ្លូវ(គោ)ជាឆ្នាំទី2,ឆ្នាំខាល(ខ្លា)ជាឆ្នាំទី3,ឆ្នាំថោះ(ទន្សាយ)ជាឆ្នាំទី4,ឆ្នាំរោង(ពស់នាគរាជ)ជាឆ្នាំទី5,ឆ្នាំម្សាញ់(ពស់)ជាឆ្នាំទី6,ឆ្នាំមមី(សេះ)ជាឆ្នាំទី7,ឆ្នាំមមែ(ពពែ)ជាឆ្នាំទី8,ឆ្នាំវក(ស្វា)ជាឆ្នាំទី9,ឆ្នាំរកា(មាន់)ជាឆ្នាំទី10,ឆ្នាំច(ឆ្កែ)ជាឆ្នាំទី11,ឆ្នាំកុរ(ជ្រូក)ជាឆ្នាំទី12។

នៅខាងឆ្វេងផ្លូវចូលសាលាជាប់ក្លោងទ្វារ យើងមានរោងសម្រាប់ផ្ញើកង់ម៉ូតូដើម្បីរក្សាសុវត្ថិភាពនិងទ្រព្យសម្បត្តិរបស់សិស្សនិងគ្រូ ដែលធានាបាននូវភាពគង់វង់មិនបាត់បង់ឡើយ។

មានសាលប្រជុំ 1នៅប៉ែកខាងកើត ឆៀងខាងជើង ដែលបានកសាងនិងបំពាក់ឧបករណ៍ក្នុងបន្ទប់ប្រកបដោយសុវត្ថិភាពនិងផាសុកភាព។សាលប្រជុំនេះមានវិសាលភាពទូលាយដែលងាយស្រួលក្នុងការជួបប្រជុំបច្ចេកទេសកម្រង និងប្រជុំនានា។

បន្ទប់ពិសោធមាន3បន្ទប់តម្រូវតាមការពិសោធន៍លើមុខវិជ្ជា គីមីវិទ្យា រូបវិទ្យា ជីវវិទ្យា ។

ឡេង សាវុធ

ពានរង្វាន់សម្តេចតេជោហ៊ុនសែន និងលិខិតសរសើរច្រើនទៀតស្តីពីនាយកគ្រប់គ្រងល្អ។ពានរង្វាន់នាយកគ្រប់គ្រងល្អ ឆ្នាំ២០២២ លេខ១

មោក សាម៉េន

១៩៩៧ ពានរង្វាន់លេខ១ធម្មវិន័យថ្នាក់ឯក។២០០៤ពានរង្វាន់លេខ១ទិវាខ្ញុំនិងអ្នកការបកស្រាយវប្បធម៌ទូទៅ ប្រដេញពាក្យតែងនិពន្ធកំណាព្យនិងស្មូត្រ កំណាព្យពានឯកឧត្តមសុខ អាន ទូរទស្សន៍-ទទក-។២០១៧ ពានជ័យលាភីស្មូត្រក្នុងទិវាគ្រូបង្រៀន។២០១៨ពានរង្វាន់លេខ២បកស្រាយសិក្សាកថា

២០១៨ ជាគ្រូបង្វឹក និងដឹកនាំរបស់របស់អ្នកគ្រូយន ដានី ម្ចាស់ជ័យលាភីលេខ១ផ្នែកស្មូត(ទិវាគ្រូបង្រៀន)

២០១៩ ជាគ្រូបង្វឹក  និងដឹកនាំរបស់យុវសិស្សទៀង  ធន ជ័យលាភីលេខ១ ផ្នែកតែងនិពន្ធ (ទិវាអំណានថ្នាក់ជាតិ ) ។

ឆ្នាំ២០២០ ជាគ្រូបង្វឹកនិងដឹកនាំយុវសិស្ស កាន ស្រីនីត ម្ចាស់ជ័យលាភីពានរង្វាន់លេខ៣ ផ្នែកតែងនិពន្ធកំណាព្យរឿងខ្លី ទិវាជាតិអំណាន ។

ច្រឹង ធារ័ត្ន

ច្រឹងធារ័ត្ន គ្រូបង្រៀន ។ បរិញ្ញាបត្រជីវវិទ្យា នៃសាកលវិទ្យាល័យភូមិន្ទ្រភ្នំពេញ។

– ឆ្នាំ 2014 ទទួលបានប័ណ្ណសរសើរអំពីកម្មវិធីសាកល្បងទប់ស្កាត់សិស្សបោះបង់ការសិក្សាដែលរៀបចំដោយអង្គការ USAID របស់អាមេរិក

– ឆ្នាំ2015 ទទួលបានវិញ្ញាបនបត្របញ្ជាក់ការសិក្សាស្តីពីសៀវភៅណែនាំសម្រាប់គ្រូបង្រៀនឧបត្ថម្ភដោយអង្គការ JICA

ខ-លទ្ធផលសិស្សពូកែថ្នាក់ជាតិ

ខាងក្រោមនេះជាសិស្សពូកែថ្នាក់ជាតិដែលបានទទួលជ័យលាភីក្នុងការប្រឡងប្រជែងយកស្នាដៃលើទូទាំងប្រទេសកម្ពុជា

ម៉ៅ រស្មី ថ្នាក់ទី12

– ឆ្នាំ2003 ជាម្ចាស់ជ័យលាភីលេខ2 មេដាយប្រាក់     ផ្នែករូបវិទ្យា ទូទាំងប្រទេស

ទៀង ធន សិស្សថ្នាក់ទី11

-ជ័យលាភីលេខ1ផ្នែកតែងនិពន្ធ 2019

សាវុធ ចាវមាន- ជាសិស្សថ្នាក់ទី10

-សិស្សវោហាឆ្នើមនិយាយភាសាអង់គ្លេស(2019)

 

សិស្សពូកែនិងនិទ្ទេស A ឆ្នាំសិក្សា 2018- 2019

កាន ស្រីនីត

– លេខ៣​ ពានរង្វាន់សម្ដេចអគ្គមហាសេនាបតីតេជោ​ ហ៊ុន​ សែន​ ផ្នែកនិពន្ធកំណាព្យ​ អបអរសាទរទិវាជាតិអំណាន​ ១១​ មីនា​ ២០២០។

 

សិស្សបាក់ឌុបនិទ្ទេសA 2021

សិស្សនិទ្ទេស A ២០២២

សិស្សពូកែទូទាំងប្រទេស ២០២៣

ផន បូរី ភេទស្រី សិស្សពូកែទូទាំងប្រទេសផ្នែករូបវិទ្យា ថ្នាក់ទី៩ ចំណាត់ថ្នាក់លេខ៣

សំណាង ស៊ីថា ភេទស្រី សិស្សពូកែទូទាំងប្រទេសផ្នែករូបវិទ្យា ថ្នាក់ទី៥ ចំណាត់ថ្នាក់លេខ៨

សំអុល ចេត្ថា ភេទប្រុស សិស្សពូកែទូទាំងប្រទេសផ្នែករូបវិទ្យា ថ្នាក់ទី១២ ចំណាត់ថ្នាក់លេខ៥

II-រូបថតលោកគ្រូ អ្នកគ្រូ

យើងរៀបរូបថតលោកគ្រូអ្នកគ្រូទុកជាឯកសារលើ Website នេះ ដើម្បីងាយស្រួលលោកអ្នកស្វែងរកក្នុង Browser នៃ Google។លោកអ្នកគ្រាន់តែចូលក្នុង Google រួចសរសេរអាស័យដ្ឋានរបស់យើង http://www.newseworld.news.blog បន្ទាប់មក Search វានឹងបង្ហាញរូបថតនិងឈ្មោះនៅក្នុងវេបសាយរបស់យើង។សូមបញ្ជាក់ផងដែរថា យើងសរសេរ«លោក,,,»ចំពោះនាយកនិងនាយករងសាលាទេ ចំណែកគ្រូធម្មតាគឺសរសេរដោយចាប់ផ្តើមនាមត្រកូលនិងនាមខ្លួនប៉ុណ្ណោះ ហើយការរៀបចំពុំបានរៀបតាមអក្ខរក្រមទេ គឺរៀបតាមការចងចាំនិងស្វែងរកតាមហ្វេសប៊ុក។

ព្រំ សិទ្ធី គ្រូបង្រៀន

សោម សាវន់ គ្រូបង្រៀនសេង សូយ គ្រូបង្រៀនម៉ៃ  គ្រូបង្រៀនព្រុំ រ៉ា គ្រូបង្រៀន
* យើងនឹងបញ្ចូលរូបថតបន្តទៀតចំពោះគ្រូមិនទាន់មានរូបថត ។អរគុណ ច្រឹង ធារ័ត្ន ដែលបានជួយមតិយោបល់ក្នុងការផ្តល់ឯកសារនិងពនិត្យអក្ខរាវិរុទ្ធ។
មេសាងថ្ងៃទី21-09-2020